Tuesday, November 30, 2010

ملح الأرض

كنت متعود اشوف الأقليات على انهم ملح الارض، هما اللي بيدولها طعم، هما اللي بيحركوا الميه الراكدة
زمان هنري بولاد كان قال لنا: صحيح الاقليات مش بتكتب التاريخ لكنها بتصنعه

لكن هنا، ولامراض متوطنه في انسان المنطقة، لدينا ملح فاسد لطبيخ حمضان
في النهايه المصير واحد، مزبلة التاريخ
.

Saturday, November 27, 2010

يصعب عليّ يا بلد

يصعب عليّ تموت الكلمة مخنوقة
يصعب عليّ معاشرتك وانتي قوقة
لبنك وعسلك لولاد القحايب
وعند ولادك جرّة خيرك مشقوقة
.

Friday, November 26, 2010

للصالح

سكـتّ وقلت ياواد دا السكات للصـالح
هـادن نفسك وحاول ع الدنيا تتصـالح
ملت على بيرها وصعبت عليّ نفسـي
كيـف اقـول عـذب وطعم المـي مـالح
.

Sunday, April 11, 2010

بالمقلوب

غلب حماري في ايجاد المعنى الايجابي للأشياء، واغلب اللي عرفته كان المعاني السلبية اللي بتقوللي "لا" مش ده اللي انت بتدور عليه.
عارف اميز الغلط، بس مش عارف الصح ايه
بشوف الطرق المسدودة بدري، كويس اني مش بمشي فيها، بس مش عارف اقول ايه الطريق المفتوح علشان امشيه
جمود وسكون، نموذج ستاتيكي، تأجيل للمتعة بدون هدف
زمان سألت حد من اصحابي – وانا رايح اتعلم السباحة – إذا كان بيعرف يعوم، فقالي انه بيعرف ميغرقش. النهاردة الجملة دي معناها صعب اوي بالنسبة لي. انتقلت من كونها نكتة لانها تبقى حالة، جسد يتنفس
.

Sunday, February 14, 2010

اتقوا الله

وانا في اسكندرية بتمشى ع الكورنيش اللي مكتوب على حجارته شعارات زي "أترضاه لأختك"، "الم يعلم بأن الله يرى". عجبني حاجتين؛ ولد وبنت قاعدين على حجر من بتوع "أترضاه لاختك" وشكلها خروجة فالانتين. والحاجة التانية كانت حجر مكتوب عليه "اتقي الله يُجَوّزَكْ"
.

Tuesday, November 24, 2009

قصر نظر

إن هـــو فقط مـــدّ البصـــر
إن اســـتشار شـمسا او قمر
لطلــــب الطفليــن ذبيحــــة
مفضلا الخراف على البشر

حكمة
.

Wednesday, October 21, 2009

نسكافيه بلاك

نسكافيه بلاك، مشروب الفتاة المهذبة
جالسة إلى جواره "على البار"، صديقته الارثوزكسية في زمن الصوم الكبير المقدس
يعتقد انه سيُنظف عقلها، وتعتقد انه سيتزوجها و... ينصلح حاله
كبير ومقدس
.

Tuesday, July 28, 2009

دروب

إن تسألني عنها، فللصدق أنا أراها أبارا مشققة
هكذا أرى جميعها الآن. ولكنّي لازلت مستمرا في الحفر
وليس الأمل ما يدفعني أو اليأس ما قد يمنعني
كل ما هنالك أن يداي اعتادتا الحفر،
منذ همست الساحرة في أذني
بأن شيئا ما ينتظرني... هناك في الأعماق
.

Monday, July 27, 2009

المركب اللي تودّي

أنا مختلف، إذن أنا مرفوض. هكذا اقرأ ايحاءات القطيع
أنا مختلف، إذن أنا منبوذ. هكذا ارى فعال القطيع
أنا مختلف، إذن أنا اخسر الجميع. هكذا هي المعادلة
س: أنا خروف، هل اكسب القطيع؟
ج: أنت تخسر من هم ليسوا مكسبا
لم يكونوا ولن يكونوا مكسبا
.

Sunday, July 12, 2009

فلنصمت وكفى

امي: ليه كدة بس، دا انت ولد ربنا. دي تصرفات ابن الكنيسة
لازال القالب اللعين يطاردني
إن صَمَتُّ قتلتني كلماتهم
وإن تكلمت قتلتهم كلماتي
هل من سبيل ليصمت كلانا
.