اسمي مينا

بيصعب عليّ انو افكارك متستوعبش فكرة وجودي

لو في احداث ضايقتني الفترة اللي فاتت فهي، حادث نجع حمادي،

كنيسة العراق، العمرانية، واخيرا كنيسة القديسين في الاسكندرية

انا بيصعب عليّ اهلي والناس اللي بحبهم

انا معنديش مشاكل، انا مش عايز ابني كنيسة، ولا عايز اصلي

ولا خايف من تفجيرات - لاني مبدخلش كنايس

بس بيصعب عليّ

ودموعي بتنزل

بعد احداث العمرانية قابلت راجل كبير بدقن وكان معاه شيلة

وكان عايز يروح الموقف. شلت معاه وفضلت ماشي شايل

وكنا لطاف جدا

وفجأة جه في بالي لو سألني عن اسمي هقول ايه

اسمي محايد، لكن ساعتها فكرت اقوله اسمي مينا - دا لو سألني

عمري ما تخيلت اني ممكن افكر كدا

من قلبي كان نفسي اقوله اني بحبه وانه زي جدي

ومستعد اشيل معاك لحد بيته

والله انا حد كويس، بس بيصعب عليّ

...

هجرتك من زمان وهجـرت ناسـك

عــشـت فيـــكي زاهــــد وناســــك

و اول ما اقـول الكبســولة مقفـوله

تنطي في بنطلوني وتخشي براسك

آه يا سافلة

يا بلدنا

.