البَربَشَة

 ديك النهار يا استاذ كانت المستورة عاملة لقمة حلوة، دابت (جابت) الطبلية وحطت الوكل، قعدنا كلنا أنا وهي، لقمة تقول زي السكر. حمدنا ربنا وقمت نمصمص ايديّا وخشمي. الصابونة اتظفلطت من ايدي، وطّيت نديبها (نجيبها) ما عترتش فيها. انقيم وشي لفوق لقيتلك الدنيا كحل. عسيت المراية قدامي وصورتي مفهاش. المستورة قاعدة ورايا مفهماش حادة (حاجة). قالت لي خير يا ولد الناس؟ كل دا عتمصمص خشمك؟ قلتلها أنقولك أيه يا بت الناس، أنا ما شايفش قدامي. شيّعي عيل للواد بخيت يديب (يجيب) عربية نطلعوا ع الدكتور. لطمت الولية على صدرها قلتلها بس اكتمي بلاش درّس (جرّس). دقيقتين وده (جه) الواد بخيت من برة ومعاه عربية، أيقول لي خير يا أبويا؟ قلتله أبوك أتعمي يا أبن الكلب. نزلنا ندّحلبوا زي اللي عاملين عملة، شماتة الناس واعرة وأقرب ماليك سكينته تالمة. ركبني العربية، قلتله اطلع على سيوط درغي، الامر مستعجل

دخلنا عند الدكتور يا استاذ، الواد قعدّني وراح حط حق الكشف، 100 ورقة يا ولد ولدي. أنقول له قدامنا كتير، قاللي 20 نفر. يخرب وقعتك اللي دابوك (جابوك) معانا لنص الليل على كده. نغيب ونسأله يقول 17، 15، 11. فين وفين لما دخلنا للدكتور. دكتور يا استاذ يتحط ع الدرح (الجرح) يطيب. ولد ناس متربي، معايزاش كلام. طول ما احنا في أوضة الكشف وهو يقول لي يا بابا. أقعد يا بابا، ارتاح يا بابا، خير يا بابا. العلام عليه كلام يا استاذ. قعد يقلّب فيّ يمين وشمال، ويديب (يجيب) قطرة ويحط في عيني، ويبص فيها، وياخدني من كرسي لكرسي "اتفضل يا بابا" "اسند هنه يا بابا". ولد ناس الله يعمر بيته

أنقولك يا استاذ

قول يا سيدي

مش كنُّه في خيال معدي هناك؟

حصل يا سيدي

رادل (راجل)، مش كده؟

راجل وعلى راسه لاسة يا سيدي

وكنُّه لابس فاتح؟

فاتح يا سيدي

الحمد لله، في تقدم

المهم يا استاذ بعد ما قلّب في وعدل أنا سمعته أيقول للواد بخيت "أبوك عنده انفصال في الشبكية". أنا كان ضميري محدّتني. أصل أنا لما وطيت نديب (نجيب) الصابونة ضرب الشرار دوة (جوة) عيني وسمعتلك صوت زي ما يكون "فرقع". انا قلت ساعتها حتما عرق النور فصل، بني آدم اللي ضميره حي يعرف لروحه
خلّص الكشف يا استاذ وكتب العلادايات (العلاجيات) رحنا صرفناهم من الاقزخانة اللي تحت العيادة ودبنا (جبنا) بعضنا ودينا

أنقولك

نعمين يا سيدي

مش كنّها مرة اللي معدية هناك دي؟

مرة يا سيدي

لابسة دلابية (جلابية) غبرا، مش كده؟

كحلة أيوه

ماسكاش عيل في ايدها؟

لا مفيش عيل يا سيدي

وايه اللي على راسها ده؟ باقوطة (قفة) دي؟

لا، صينية عيش يا سيدي

الحمد لله علاده (علاجه) دايب تقدم

واحنا قاعدين بنحكي قدام دكان البقالة بتاع إبنه، دخلت واحدة ست تشتري طلبات، هي دخلت كلها جوة الدكان لكن مؤخرتها كانت لسه برة

يا واد يا بخيت

نعمين يا أبوي

مش كنّها طيظ مرات عمك دي يا واد - مشيرا بعصاه نحوها؟

هيّ يا ابوي

الحمد لله، ابتدت تبربش يا استاذ

.

النعاج

أمانـة تبــص لوشــه قبل ما تنـزل ايـــده تبــوس

وارفــع عنـه العمّـة يمكــن تقــرأ ما في الــروس

يا ابني انا قلت الكلمة لأجـل ما تبرأ منها نفــوس

أبو عمّة إن شلت العمّة يصبح نعجة وسط  تيوس

.

شوق

بيني وبينكِ من الشوق ما بين يدي وبتاعي المزنوق شتاءا

وبيننا من العُزّال ما بينهما من ملابس الشتاء

ولكني اوصيكِ بالصبر، الصبر خير من البلل

.

الناسك والعاجز

ـ{والسرطان الناسك  والنعمان العاجز، إن ربك للرزق لواهب} التكافل: 19

المهم يا سيدي، النهاردة وأنا قاعد ع القهوة في حالي، عدّت شقيقة النعمان؛ واحدة من شحّاتين وسط البلد اللي اعرفهم كويس من سنين، ست كبيرة وقاعدة على كرسي متحرك ومش بتتكلم. وعلى غير العادة مكانتش لوحدها، ربنا كرمها بسرطان ناسك تتكافل معاه؛ واحدة لابسه صَدَفَة - مُنتَقِبة - لم استطع أن أميّزها، ولإن غالبيتهن يعجز النقاب عن ستر تضاريسهن، فهي غالبا جديدة ع الكار او ع المنطقة. وقام السرطان حط بنته الصغيّرة على حجر شقيقة النعمان وخدها على ظهره وطلعوا يسترزقوا والرزق على الله

 مفيش 10 دقايق و50 متر وأنا مروّح لقيتهم بيتخانقوا مع كائنات بحرية تانية تجوب قاع وسط البلد بحثا عن الرزق. خناقة نسوان مـ اللي قلبك يحبها. لا أجد نفسي عادة في الزيطة، لكن زيطة النسوان استثناء. ولأول مرة في حياتي رأيت شقيقة النعمان - القعيدة الخرساء - بتنطق. لكن عقلي وقلبي كانوا مع السرطان الذي خرج من نسكه، بنت الهرمة قلعت الصدفة وأمطرت الشارع سب دين

.

لا للوصم

لله والوطن

اسمع يا رضا

الدين مُطلَق والسياسة معرّصة، هتخسروا الدين والسياسة ويفضل التعريص المُطلَق

.

كايدة العُزّال

ملفوفا بالحزن، حبيس الدمع، يتنهد ثم يقول "نصوم ونصلى تلات ايام ... ربنا موجود" ويستدير نحو المذبح معطيا ظهره للحزانى. يرفع يديه متضرعا، يضع الرب فيهما الصاجات. وينزع عنه ميخائيل التاج البطريركي، ويكلله بباروكة عايدة الشاعر

.

تسلم

عجبي عليك وعلى مخلوقاتك

تسلم ايديك، تسلم آياتك

ما خبّرني عنك غير الزواني

محلى مجلسهم زاين جنّاتك

.

شعب

يتيم وبدل الواصي ميّة

مية كرش ومية غيّة

فيهم الايد اللي بتدبح

وفيهم الممدودة تقبض الديّة

.

القيادة في زمن البيادة

يلعن زمان المطمطة

يلعن مكان الزروطة

العلق مسك الدَفة

وفتح كتاب الشرمطة

.