حكاية ثواب

الفصل الأول: في المترو

مربّي دقنه وراسم زبيبة وف ايده كـــتاب
وعمّال يبرطم يتمتم يغمغم وأخر انجـذاب
يقرأ شوية وبعدين يسمّع وأهو بيعد ثواب

الفصل الثاني: عند الحلاّق

يا واد قوم أسقي عمك، قال لـه يابا الصـبي فاضي
يا عبيط خد أنت الثواب وربك عنك يكون راضي
مات الراجل بعطشــه، ومـــــات جوايا اعتراضي

الفصل الثالث: في الشارع

فينك، ماشفتكش في الصلاة، قال له بأصلي ف الـجامع الفلاني
يا راجل يبقى الجامع تحت بيتك، وتروح تصلي ف جامع تاني
قال له أدينا بنتمشى ونـاخد ثواب، شيء أبقى من الجسـد الفاني

الفصل الرابع: في المصعد (الاسانسير يعني)

تعرف أن دقنك حلوة، ما تـفكــــر مرة تربيها
قال له لو ع العياقة لا أنا فاضي ولا غـــاويها
طاب ربيها سُنة وخــــد حسنات لم تتعب فيها
قال له والله فكرة وأهو أوفر من الاهتمام بيها

الفصل الأخير: في الآخرة

وقفوا الخلق أمام العرش ودخل الملــــــــك بموكب مهيب
طرحوا الخلق أعمالهــــم وسكت الـملــــــــــك ولم يُجيب
الخلق همهموا واستفهموا، فقـــــــال الملك لملاكه القريب
حسناتهم أكثر من مــــالي، شكلي وحش، وكــــــدا عيب
اجري استلف من رب تاني، خلينا نخلص، دا يوم كئيب

.